प्रचण्डको परिवार हो भन्दैमा म राजनितिमा आउनै न पाउने त हुँदैन होला नि?

मैले पार्टी सदस्य लिएको १२ बर्ष भैसकेको छ । मैंले मेरो पार्टी सदस्यता नम्बर माथि उल्लेख गरीकसेको छु भेरीफाई गर्न सक्नुहुन्छ । मलाई एक्कासी अहिले पार्टीमा ल्याएर पद दिएको भन्ने भ्रममा नर्पनुहोस् । हरेक व्यक्तिका आ–आफ्ना रुची हुने गर्दछन् । मलाई समाजसेवा राजनितिमा चासो छ । म विद्यार्थीको केन्द्रीय सदस्य बन्न असक्षम र अयोग्य उम्मेदवार हो जस्तो मलाई लाग्दैन् किनकी मैंले हामी सानै छँदा देखि हामिलाई सँगसँगै लिएर मम्मिले हरेक कार्यक्रममा लग्नु हुन्थ्यो । सानो छँदैदेखि हरेक आन्दोलनमा पुगेकै छु । अरु पार्टीबाट आएर बिद्यार्थीमा आएको पनि होइन । हाम्रो समस्या के हो भने पदका लागी घुमिफिरी आउनेलाई हामि सँधै स्थान र सम्मान दिन्छौं, ठाउँ दिन्छौ तर पार्टीप्रति मनै देखी माया र सम्मान हुनेलाई हामिले न त साथ न हौसला दिन्छौ ।

म मात्र त केन्द्रीय सदस्य भएको त होईन धेरै साथीहरु हुनुहुन्छ तर केही साथीहरुले मलाई मात्र देखी रहनु भएको छ । हामि भन्दा अग्रजहरुले साथ दिनुस हामिलाई प्रशिक्षित गर्नुस्, जनयुद्धमाथि औंला उठाउने हरुलाई बुझाउन सक्नु पर्यो किन र के का लागि थियो भनेर । त्यो सम्भव भनेको युवा विद्यार्थीबाट मात्र छ । आफ्नो पार्टीको अस्तित्व बचाउनतिर लाग्नु पर्छ हामि त्यसकालागि पार्टीप्रति सदैव ईमान्दार रहने व्यक्तिलाई मौका दिनुस्, आलोचना गरेर आफ्नै परिवारभित्र नखेल्नुहोस् ।

र मेरो विषयमा हाम्रो पार्टी अध्यक्षको नाम जोडेर बिचमा नल्याउनुहोस, उहाँलाई मलाई राजनितिमा ईच्छा छ भन्ने थाहा छ तर त्यो बाहेक उहाँले केहि गर्नु भएको हैन र अध्यक्षलाई यस विषयमा केहि थाहा पनि थिएन । सायद अहिले चलिरहेको संगठनको समस्याले पनि केहि साथीहरुको आक्रोश होला म प्रती तर पार्टी संगठन एक हुनु पर्छ भन्ने पक्षमा हो म । जसरि पनि समस्याको हल हुनुपर्छ । परिवारवादको ट्याग नदिनुस म फिल्डमै काम गर्न खोजेको हो । मलाई मन्त्री, राजदुत नै बनाएको जस्तो न गर्दिनुस् ।

तपाईहरु परिवारवादको कुरा गर्नुहुन्छ मेरै ड्याडीले यो पार्टीमा काम गर्नु भयो, सबै त्याग्नु भयो तर सँधै पार्टीभित्र अन्यायमा पर्नुभयो । उहाँ भन्दा जुनियरहरु कहाँ पुगिसक्नु भयो तर उहाँलाई सँधै पछाडि पारियो । त्यस विषयमा तपाईहरुको ध्यान कहिले पनि गएन । पार्टी अध्यक्षलाई अफ्ठ्यारो पर्ला भनेर उहाँ कहिले बोल्नु भएन, पार्टी कमिटीले जे जे गर्यो सबै स्वीकार्नु भयो र आज पार्टीको कुनै पनि विभागमा समेत राखिएको छैन । आफुभन्दा धेरै जुनियर साथिहरुलाई सेन्ट्रल कमिटीमा ल्याईयो तर यस विषयमा कोही बोल्नु भएन, साथ दिनु भएन । अझ धेरै ठाउँमा सभामुखको सचिवालय भनेर जोडेको देख्छु त्यो पनि आफ्नै बाध्यता र समस्याले हुनु भएको हो । त्यसमा राख्न पनि क. प्रचण्डले प्रस्ताव गर्नु भएको होईन । क. कृष्ण बहादुर महरा बाबाले आफैंले ड्याडीलाई बोलाएर राख्नु भएको हो । आफु भन्दा जुनियर माथि माथि पुगेको बेला आफु पार्टीमा कुनै हैसियतमा हुनुहुन्न । तर बाबालाई हामिले हाम्रो बिषयमा तनाव दिने काम गरेका छैनौं अहिलेसम्म । त्यसैले जे भन्नु छ हामिलाई भन्नुस अध्यक्षलाई बिचमा नल्याउनुहोस् उहाँलाई केहि थाहा थिएन र केहि पनि गर्नुभएको पनि हैन ।

प्रचण्डको परिवार हो भन्दैमा म राजनितिमा आउनै न पाउने त हुँदैन होला नि? हर व्यक्तिको आफ्नो ईच्छा, क्षमता, योगदान र चाहना हुन्छ । म माथि औंला त्यतिबेला उठाउनु होला जब म गलत बाटोमा हिँड्छु । आफ्नो काम प्रति बफादार हुन्न । मलाई पार्टी भित्र र बाहिरबाट साथ, सहयोग र हौसला दिनुहुने धेरै साथिहरुलाई हृदयदेखि नमन साथै आलोचना गर्नुहुने साथिहरुलाई पनि धन्यवाद सहित वास्तविकता बुझिदिनुहुन विनम्र अनुरोध