एकदिने स्काउट क्याम्प सम्पन्न

धरान । धरान–१७ को साकेला पार्कमा एकदिने स्काउट क्याम्प शनिबार सम्पन्न भएको छ । एम्स, सैनिक तथा वराहक्षेत्र ओपन स्काउट क्रयूका १३ रोभर तथा २२ रेन्जरहरूको एकदिने क्याम्प शनिबार सम्पन्न भएको हेमन्त भण्डारीले प्रदेश नं १ का सदस्य हेमन्त भण्डारीले जानकारी दिएका छन। एम्स एकेडेमीका निर्देशक एवम् स्काउटको धरान नगर तदर्थ समितिका संयोजक अनुप तामाङको अध्यक्षतामा सम्पन्न समापन समारोहमा धरान उपमहानगरपालिकाका प्रवक्ता एवम् वडा नं १७ का वडाध्यक्ष मनोज भट्टराई प्रमुख अतिथि थिए भने नेपाल स्काउट प्रदेश नं १ तदर्थ समितिका संयोजक रवि खनाल विशेष अतिथि थिए ।