काठमाडौँ — उडिरहेको बिमानमा कुटाकुट गर्ने दुई यात्रुलाई पक्राउ गरिएको छ। बुधबार दिउँसो साढे ४ बजे विराटनगर विमानस्थलबाट ७० यात्रु बोकेर उडेको बुद्ध एयरको एटीआर विमान भित्र जगडा गर्ने दुई यात्रुलाई पक्राउ गरिएको प्रहरीले जानकारी दिएको छ।
सिट नम्बर ९ मा बसेका ‘ए’ दुर्गालाल श्रेष्ठ र ‘बी’ मा बसेका विमलबाबु श्रेष्ठ कुटाकुट गर्न थालेका थिए । गोरखा घर भएका ती दुवै आफन्त हुन् । विमलबाबु श्रेष्ठ लाई १० लाख रुपैयाँ चेक बाउन्सको उजुरीमा थुनामा राखिएको छ भने दुर्गालाल श्रेष्ठलाई तारिखमा छाडेको गौशालाका डीएसपी सञ्जीवबाबु खड्काले बताए ।