२९ चैत, काठमाडौं । राष्ट्रिय स्वतन्त्र पार्टीले सांसद ढाकाकुमार श्रेष्ठलाई साधारण सदस्य पनि नरहने गरी कारबाही गरेको छ । आज बसेको रास्वपाको केन्द्रीय समितिको बैठकले उनलाई सांसदसहित पार्टीको साधारण सदस्यबाटसमेत हटाएको छ। दुई करोड घुस मागेको अडिओ प्रकरणपछि राष्ट्रिय स्वतन्त्र पार्टीले समानुपातिक सांसद ढाकाकुमार श्रेष्ठलाई कारबाही गरेको छ। बैठकपछि पार्टीका सभापति रवि लामिछानेले समानुपातिक सांसद ढाकाकुमार श्रेष्ठलाई गरिएको बारे जानकारी दिए। यसअघि अनुशासन समितिले उनलाई कारबाही गर्न निर्देशन दिएको थियो।
रास्वपाले गर्यो ढाकाकुमार श्रेष्ठको साधारण सदस्यता खारेज, सांसदबाट हटाउँदै
