कलैया उपमहानगरपालिका-६ मा रहेको बाल एकता बोर्डिङ स्कुलका सन्चालक तथा प्रधानाध्यापक ’गुड्डु’ भनिने रुपेश सर्राफको गोली हानी हत्या भएको छ। बाराका प्रहरी उपरीक्षक सुरेश काफ्लेका अनुसार सरार्फमाथि सोमबार दिउँसो करिब पौने १ बजेको समयमा मदार्श टोलमा गोली प्रहार भएको थियो। हत्याको अभियोगमा एक जना पक्राउलाई प्रहरीले नियन्त्रणमा लिएको छ। छातीमा गोली लागेर घाइते भएका सरार्फलाई कलैया प्रादेशिक अस्पताल लगिएको थियो। त्यहाँ उपचार हुन नसकेपछि उनलाई थप उपचारको लागि वीरगन्ज स्थित वयोधा अस्पतालमा लगिएको थियो। बयोधा अस्पतालका चिकित्सकले उनलाई मृत घोषणा गरेका थिए।