चितवन । माडी जेसीजद्वारा आयोजित माडी नगरस्तरीय वक्तृत्वकला प्रतियोगितामा जनजीवन माध्यमिक विद्यालय, खरकट्टाका छात्रा सोनु रेग्मी प्रथम हुनुभएको छ ।
त्यस्तै जनकल्याण मा.वि.का छात्रा प्रमिशा पौडेलले दोस्रो, सोमेश्वर मा.वि.का छात्र सुजन परियारले तेश्रो र माडी मा.वि.का छात्रा कृपा सुनारले चौथो (सान्त्वना) पुरस्कार जित्न सफल हुनु भएको छ ।
प्रतियोगितामा माडीका विभिन्न विद्यालयमा अध्यनरत १४ जना विद्यार्थीहरु सहभागी भएका थिए । ‘जेसीज सप्ताह-२०२३’ कार्यक्रम अन्तरगत “जल, जङ्गल, जडिबुटीको प्रयोग देशको सम्वृद्धिको आधार“ शीर्षकमा सो स्पर्धा सम्पन्न भएको हो ।
कार्यक्रममा प्रमुख अतिथि प्रदेश सांसद ठाकुरप्रसाद ढकाल र बिशिष्ठ अतिथि माडी जेसिजका संस्थापक अध्यक्ष रुद्रप्रसाद सापकोटा एवं जनजीवन मा.वि.का प्रधानाध्यापक अमृता केसी बराल रहनु भएको थियो ।
माडी जेसिजका कार्यकारी उपाध्यक्ष कपिल अधिकारीको संयोजकत्वमा भएको कार्यक्रमको अध्यक्षता माडी जेसिजका अध्यक्ष सुवास गौतम र संचालन कार्यक्रमका मुल संयोजक एवं माडी जेसिजका महासचिव सन्तोष भट्टराईले गर्नु भएको थियो ।