एक्सपर्ट पब्लिक स्पिकिङ च्याम्पको तेस्रो संस्करण भोलिबाट सुरु हुने भएको छ । विमोचन इभेन्ट एण्ड इन्टरटेनमेन्टले युवा तथा बालबालिकाहरुको नेतृत्व तथा व्यक्तित्व विकास गर्ने उद्देश्यले स्पिकिङ च्याम्प आयोजना गर्न लागेको हो । प्रतिस्पर्धामाकक्षा ७ देखि १२ कक्षासम्मका विद्यार्थीहरु सहभागी हुन पाउनेछन् ।
भोलि माडीमा पहिलो अडिसन गरेर प्रतियोगिताको औपचारिक रुपमा उदघाटन गरिने आयोजकले जनाएका छन । प्रतिस्पर्धाको फाइनल माघ २६ गते हुनेछ ।
प्रतियोगितामा पहिलो हुने विजेताले ५० हजार रुपैयाँ, दोस्रो हुनेले ३० हजार रुपैयाँ र तेस्रो हुनेले २० हजार रुपैयाँ सहित मेडल ,ट्रफी , प्रमाण पत्र र छात्रवृत्ति प्रदान गरिने आयोजक संस्था विमोचन इभेन्ट एण्ड इन्टरटेनमेन्ट प्रालिका निर्देशक विमोचन आचार्यले बताए ।