एनएमए ‘स्पोर्टस् फेस्ट’ अन्तर्गत क्रिक्सलको उपाधि युनाईटेड चितवनलाई

नेपाल चिकित्सक संघ (एनएमए) केन्द्रीय समितिको आयोजनामा चितवनमा प्रथम एनएमए स्पोर्टस फेस्ट सम्पन्न भएको छ । दुई दिनसम्म भएको प्रतियोगिताको भरतपुर महानगरपालिकाका प्रमुख रेनु दाहालले उद्घाटन गर्नू भएको थियो। संघका अध्यक्ष डा. अनिलबिक्रम कार्कीले प्रतियोगितामा क्रिक्सल, फुटसल, भलिबल, बास्केटबल, टेबुलटेनिस, ब्याडमिन्टन, चेस र पौडी प्रतियोगिता हुने जानकारी दिनुभयो ।  उक्त प्रतियोगिता अन्तर्गत क्रिक्सलको उपाधि युनाईटेड चितवनले जितेको छ । फाईनलमा युनाईटेड चितवनले देव हस्पिटललाई पराजित गरेको थियो।