एकता पौडेलको निर्देशनमा निर्माण हुन लागेको फिल्म ‘हर्ष’को शुभसाइत गरिएको छ । एकता स्वर्गीय निर्देशक शिव रेग्मीकी भान्जी हुन् ।
आज बिहान ठमेलस्थित त्रिदेवी मन्दिरमा शुभसाइत गरिएको यो फिल्मको छायांकन फागुनको १७ गतेबाट सुरु हुनेछ । नायक खगेन्द्र लामिछाने र नायिका वर्षा राउतको मुख्य भूमिका रहेनछ । इ–प्राइम मुभिज र अष्टलक्ष्मी प्रोडक्सनको व्यानरमा निर्माण हुने यो फिल्ममा प्रसन्न पौडेल र विकास पौडेलको लगानी छ । हिक्मत चोखल फिल्मका कार्यकारी निर्माता हुन् । फिल्ममा सन्तोष पन्त, शर्मिला मल्ल, सुवर्ण थापा, माओत्से गुरुङ, विशाल पहाडी, श्रृष्टी महर्जन संगीता नापित र निमा पाण्डेको अभिनय रहनेछ ।