विश्वविद्यालय क्याम्पसमा नेविसंघले लगायो ताला

२८ फागुन, काठमाडौं । स्ववियु निर्वाचनको उम्मेदवारीको विषयलाई लिएर नेपाली कांग्रेसनिकट विद्यार्थी संगठन नेविसंघले विश्वविद्यालय क्याम्पसमा ताला लगाएको छ । दिपकराज जोशी र अनोज कार्की अध्यक्ष रहेको दुईवटा समूहको उम्मेदवारी परेकोमा निर्वाचन अधिकृतको कार्यालयले जोशी अध्यक्षको उम्मेदवार रहेको सूचीलाई मात्र समावेश गरेपछि कार्की समूह असन्तुष्ट हुँदै ताला लगाएको हो । स्ववियु निर्वाचनका लागि आफ्नो तर्फबाट सिफारिस भएका उम्मेदवारको उम्मेद्वारी खारेज गरिएको भन्दै त्रिवि समिति सभापति विष्णु बडैलासहितको टोलीले तालाबन्दी गरेका हुन्।