हेटौंडा, ३ श्रावण २०७९
मंगलबार हेटौंडा-४ स्थित हेटौंडा क्याम्पसमा बि.एड. दोस्रो वर्षको परिक्षा दिन आएका मकवानपुर बहुमुखी क्याम्पसका २ विद्यार्थीलाई प्राध्यापकबाट दुर्व्यवहार भएको भन्दै विद्यार्थीहरुले विरोध जनाएका छन् । दुई जना छात्रालाई चिट खोज्ने बहनामा पाइन्ट र भित्री वस्त्रसमेत खोल्न लगाइएको विद्यार्थीहरुले आरोप लगाएका छन् । उक्त घटनाबारे विभिन्न विद्यार्थी संगठनहरुले विज्ञप्ति निकालेर घोर भत्सना गरेका छन् ।